Nga Berat Buzhala/
Nikola Gruevski, ish kryeminister dhe kryetar i VMRO’se, ka qene pervec politikan edhe nifar rock star’i te elektorati nacionalist maqedon. Doren ne zemer nen drejtimin e tij Maqedonia kishte shenu edhe zhvillim te rendesishem ekonomik. Sido qe te jete ne mandatin e tij te fundit ai u fut ne konfrontim me Shtetet e Bashkuara te Amerikes, per shkak te qasjes se tij autokratike dhe per shkak te dyshimeve te forta per korrupsion. Nejse e rrezune per pushtetit. Gruevski iku ne Hungari.
Cka boni VMRO? Reagimi intuitiv ballkanik do te ishte qe t’i qendronin mbrapa Gruevskit, deri ne asgjesim kolektiv partiak. Shto ketu faktin qe elektorati nacionalist maqedon edhe do ta mbeshteste nje trajektore te tille. Mirepo, tuj e dite qe me nje logjike te tille politike VMRO nuk do te mund te kthehej kurre ne pushtet, njerezit me te aferte te Gruevskit, le te sherbehemi me gjuhen ballkanike, e tradhtuan ish shefin. Nuk e lidhen komplet partine dhe idealin e tyre per fatin e nje personi.
Sapo e ben nje gje te tille, kur tashme e kishin marre edhe bekimin e heshtur te Perendimit se do ta tumirnin kthimin e tyre ne pushtet, VMRO i fitoi zgjedhjet. I fitoi me rezultatin me te larte qe ndonje subjekt e ka shenuar ne Maqedoni. Gruevski nuk dukej i kenaqur me reformat qe e lan jashte, por qe ndoshta do ta shpetojne nga burgu.
Morali: Mos i msho betonit me kry.
Ne Shqiperi ne anen tjeter fatin e partise kryesore opozitare e kane lidhe me fatin e nje burri rreth 100 vjeçare dhe familjen e tij. Eshte mjaft ironike, kjo e djathte konzervative, tashme antiperendimore, me se shumti dhe verberisht perkrahet nga analfabetet dhe nga nje pjese e analisteve me ide ekstreme te majta dhe antiamerikane. Me moton: Jo diktatit imperialist amerikan.
Ne vend qe doktori vet me u largu, nese jo atehere me largu, qe PD te kthehej ne pushtet me fytyra te reja, qe pas tij te largohet Rama, keta kane zgjedhe me i ra betonit me kry, me shpresen qe betoni dorezohet. Pastaj, krejt tjeret qe nuk besojne qe betoni thyhet para kokes, i shpallin pro qeveritar.
