Agjencia e OKB-së për Palestinezët ka thënë në X se më shumë se 150,000 gra shtatzëna po përballen me kushte të tmerrshme sanitare dhe rreziqe shëndetësore në mes të zhvendosjeve dhe luftës në Gaza.
Sipas OKB-së, rreth 360,000 njerëz janë larguar nga qyteti më jugor i Gazës, Rafah gjatë javës së kaluar, për shkak të paralajmërimeve të Izraelit se do të nisë ofensivën tokësore në këtë qytet.
Zyrtarët e lartë amerikanë përsëritën paralajmërime të rrepta gjatë fundjavës kundër një pushtimi izraelit në Rafah, duke parashikuar se një ofensivë tokësore do të çonte në viktima të gjera civile.
Kombet e Bashkuara dhe grupet humanitare vlerësojnë se diku midis 1.2 dhe 1.4 milionë njerëz jetonin në zonën e Rafahut përpara se të fillonte operacioni izraelit në pjesën lindore të qytetit.
