“Nga verifikimet paraprake rezultoi se në oborr rezultoi i vdekur, 84-vjeçari Kosta Ilia, ndërsa brenda banesës gruaja Kleoniqi Ilia 88 vjeçe. U konstatuan shenja dhune në pjesë të ndryshme të trupit dhe kokës. Nga këqyrja e banesës dhe zonës nuk u konstatuan shenja të vjedhjes. Nga hetimet e kryera u arrit në konkluzionit se ata janë goditur nga sende të forta dhe prerëse. U morën sende dhe mjete të cilat dyshohet se kishin lidhje me ngjarjes për të gjetur autorin. Nga kontrolli në banesë u fjet përveç provave të tjera edhe një vlerë prej 5 mln lekëve të reja që çifti i të moshuarve kishin në banesë, në pyetje janë marrë 35 persona. Nga hetimet u arrit të zbulohet motivi së bashku me autorin, i cili është Thoma Mastora, 69 vjeç, banues në këtë fshat. Nga provat rezultoi se autori është bashkëfshatar, për të cilin u ekzekutua urdhri për ndalimin e tij”, thuhet në njoftimin e policisë.
