Izraeli u zotua të përgjigjet me forcë ndaj të gjitha sulmeve të Hezbollahut pasi grupi militant libanez i mbështetur nga Irani hodhi një breshëri raketash përtej kufirit sot për të dytën ditë radhazi.
“Izraeli do t’i përgjigjet me forcë të gjithë agresionit të Hezbollahut”, tha zëdhënësi i qeverisë David Mencer në një konferencë shtypi, duke shtuar se “nëpërmjet përpjekjeve diplomatike ose ndryshe, Izraeli do të rivendosë sigurinë në kufirin tonë verior”.
Hezbollahu është betuar për hakmarrje ndaj Izraelit pas vrasjes së një komandanti ushtarak.
