Norvegjia ka njoftuar se do t’i japë Ukrainës 1.1 miliardë krona (80 milion £) për të ndihmuar në riparimin e infrastrukturës së saj energjetike dhe për të siguruar furnizimin me energji elektrike të vendit përpara dimrit të ardhshëm.
“Rusia po kryen sulme masive, sistematike për të paralizuar rrjetin elektrik, por ukrainasit po punojnë ditë e natë për të ruajtur furnizimet thelbësore me energji elektrike për popullatën”, tha kryeministri Jonas Gahr Store në një deklaratë.
Sipas vlerësimeve të reja, më shumë se 50% e kapacitetit të prodhimit të energjisë në Ukrainë është shkatërruar.
“Ne jemi në dialog të ngushtë me Ukrainën se si mund t’i përdorë këto fonde në mënyrë më efektive.
Vetë ukrainasit kanë njohurinë më të mirë për atë që nevojitet”, tha Store, duke shtuar se ishte e rëndësishme të fillonin riparimet e infrastrukturës përpara fillimit të dimrit.
Norvegjia tha se tashmë 120 milionë krona do të përdoreshin për riparimet në zonën e Kharkiv, e cila është goditur veçanërisht rëndë nga sulmet ruse kohët e fundit. Në vitin 2022, Norvegjia siguroi 2.1 miliardë korona financime për sektorin e energjisë të Ukrainës dhe 1.9 miliardë korona vitin e kaluar.
Vendi skandinav ka premtuar 75 miliardë korona në ndihmë ushtarake dhe civile për Ukrainën për periudhën pesëvjeçare 2023-2027, me fonde të alokuara çdo vit në përputhje me nevojat e Ukrainës.
