Nënshkrimi i Kylian Mbappe për Real Madridin është në buzët e të gjithëve dhe një nga thashethemet më të mëdha në tregun e transferimeve, por ylli francez shoqërohet edhe me një nofkë, apo pseudonim.
Sulmuesi 25-vjeçar ka statusin e superyllit dhe idhullit në rrjetet sociale, ku shumë përdorues i referohen me ‘emoji’-n e një breshke. Dhe diçka që është shumë e zakonshme në futboll, janë pseudonimet që marrin lojtarët dhe Mbappé nuk ishte përjashtim. Ylli francez mori pseudonimin “Ninja Turtle” (Breshka Ninxha).
Pse e quajnë Kylian Mbappé, “Ninja Turtle”?
Në vitin 2017, Kylian Mbappé mbërriti në PSG pas një sezoni të shkëlqyer me AS Monaco në një transferim që kushtoi 180 milionë dollarë për PSG-në. Nuk vonoi shumë dhe batutat mbërritën brenda në dhomat e zhveshjes për të mbështetur të riun francez. Marrëdhënia mes shokëve të skuadrës do të rrjedhë shumë shpejt në rrjetet sociale, ku dhoma e zhveshjes së PSG filloi të lidhte lojtarin me “Breshkën Ninxha”.
Një nga batutat më të komentuara në rrjete, ishte rasti kur Thiago Silva i dha sulmuesit një maskë “breshke ninxha” të mbështjellë në një kuti Dior. Ishte në Kupën e Botës 2018 në Rusi, një ngjarje e ndjekur në mbarë globin, kur shakaja u bë një pseudonim karakteristik për lojtarin.
Pse e quajnë Donatello?
Donatello është një nga katër “breshkat ninxha” dhe Kyliam Mbappé njihet gjithashtu në këtë mënyrë, për shkak të ngjashmërisë së tij me personazhin imagjinar, prandaj shumë transmetues e quajnë atë pseudonimin.
Gjithçka nisi si një shaka dhe tashmë është bërë një karakteristikë e yllit francez deri në atë pikë sa është njohur në të gjithë botën .
