Shtetet e Bashkuara kanë njoftuar një sërë sanksionesh ndaj Rusisë për shkak të pushtimit të saj ushtarak në Ukrainë.
Të mërkurën, departamentet e thesarit dhe të shtetit njoftuan sanksione që synojnë më shumë se 300 objektiva, duke përfshirë entitete në Rusi, si dhe në Kinë, Turqi dhe Emiratet e Bashkuara Arabe. Në një deklaratë pas sanksioneve, sekretarja amerikane e thesarit, Janet Yellen, tha:
“Veprimet e sotme godasin rrugët e tyre të mbetura për materiale dhe pajisje ndërkombëtare, duke përfshirë mbështetjen e tyre në furnizimet kritike nga vendet e treta. Ne po eliminojmë shtigjet e evazionit dhe po zvogëlojmë aftësinë e Rusisë për të përfituar nga aksesi në teknologjinë, pajisjet, softuerin dhe shërbimet e IT të huaja.”, u shpreh ajo.
