Presidenti rus Vladimir Putin ka pranuar se marina ruse është e pambrojtur, pasi thuhet se humbi një të tretën e flotës së Detit të Zi gjatë luftës në Ukrainë.
Rusia planifikon të “përmirësojë tërësisht” forcat detare, tha Putin ndërsa Moska përpiqet të rindërtojë me shpejtësi një flotë që ka luajtur një rol vendimtar në pushtimin e vazhdueshëm të Ukrainës.
“Për të rritur qëndrueshmërinë luftarake të forcave detare, është e nevojshme të forcohen ato dhe t’i kushtohet vëmendje e veçantë zbatimit të shpejtë të sistemeve të zbulimit të kërcënimeve në distancë, duke përfshirë ato nga mjetet ajrore pa pilot”, tha Putin.
Rusisë i janë shkatërruar shumë luftanije në luftën në Ukrainë, që janë goditur kryesisht me raketa të avancuara perëndimore por edhe me dronët detarë.
