Autoblinda amerikane “Bradley” që Shtetet e Bashkuara ia dhanë ushtrisë ukrainase, është filmuar duke shkatërruar dy autoblinda ruse në lindje të Ukrainës.
“Bradley” që përdorej nga Brigada e 47-të arriti të “nxjerr nga shërbimi” dy autoblinda ruse, është bërë e ditur nga ministria ukrainase e Mbrojtjes.
Në videon e filmuar nga ajri me dron, shihen autoblindat ruse duke u sulmuar nga Bradley amerikan me breshëri plumbash mbi to, duke i shkatërruar.
Ndërkaq ushtarët rusë që gjendeshin brenda tyre shihen duke vrapuar me shpejtësi për t’i shpëtuar shpërthimit. Ata lëviznin zvarrë nëpër fushë, ku vazhdimisht u fluturonin plumbat mbi kokë.
Pentagoni pati miratuar dërgimin e më shumë se 300 Bradley në Ukrainë. Bëhet fjalë për një autoblindë me topin 25 mm dhe mitralozin 7.62 që e ka të vendosur në kupolë që shkrep plumba blindëshpues.
Bradley + its Bushmaster gun = liquidation of the occupiers.
An American-made Bradley IFV destroyed two russian BTR-82 APCs along with the infantry.📹: 47th Mechanized Brigade pic.twitter.com/nyHatoE5Gx
— Defense of Ukraine (@DefenceU) June 2, 2024
