Një ditë më parë (5 korrik) u hap për qarkullimin e mjeteve tuneli i Llogarasë. Distanca nga Dukati në Palasë do të përshkohet në vetëm 7 minuta, duke lehtësuar qarkullimin dhe duke i dhënë një hov turizmit në vend.
Por Sali Berisha e ka cilësuar si çmenduri investimin për ndërtimin e tunelit të Llogarasë, duke thënë se u bë për hotelet e 10-15 zengjinëve që peshojnë Ramën me euro.
Kritikave të kreut të PD-së i janë përgjigjur qytetarët në rrjet, të cilët i kanë bërë një ‘video-meme’ për Berishën. Berisha i cili është në arrest shtëpie, ‘kalon’ me makinë nëpër Tunelin e Llogarasë, ndërsa në sfond është kënga e fushtaës elektorale të PD-së në vitin 2009, ‘Shqipëria po ndryshon’.
‘For me this is a miracle of Freedom… Shqipëria po ndryshon, është një rrugë që na bashkon, është një ëndërr që na fton, është e ardhmja që premton, është një komb që sot bashkon.’- dëgjohet në sfond.
