Ish-lojtari gjerman Lothar Matthäus ka parashikuar fitoren e ekipit të vendit të tij ndaj Spanjës me penallti në çerekfinalen e Eurokupës.
Ish-mesfushori gjerman, në një artikull të botuar në ‘Bild’, theksoi se “të dyja skuadrat kanë cilësi dhe shpejtësi të madhe, sidomos në sulm, por të dyja kanë edhe një ose dy defekte në mbrojtje”.
Ish-futbollisti i Bayernit pret “një ndeshje plotësisht të ekuilibruar në kushte të barabarta” dhe vë bast për një barazim 1-1 pas 90 minutash, rezultat ky që do të kjo mbetet edhe pas kohës shtesë, dhe se “me penallti emocionuese fiton Gjermania”.
Për pjesën tjetër të çerekfinaleve, Matthäus ka vënë bast për fitoren e Francës ndaj Portugalisë me rezultatin 2-1. Ai ka theksuar se “francezët do të fitojnë me një diferencë e ngushtë kundër skuadrës portugeze rreth Cristiano Ronaldos, diferencë kjo jo falë formës aktuale të Kylian Mbappe.”
Për Angli-Zvicër ai ndjen një 1-0 në favor të britanikëve, megjithëse theksoi se nëse zviceranët “luajnë ashtu siç luajtën kundër Italisë, do të kenë shanse të mira” edhe ndaj skuadrës angleze, e cila, për të, “është një nga zhgënjimet më të mëdha të këtij Eurokupi deri më tani”.
Për duelin mes Turqisë dhe Holandës, ai parashikoi 2-0 për holandezët . “Unë mendoj se Holanda do të mbizotërojë relativisht qartë. Megjithatë, skuadra e Ronald Koeman duhet të përfitojë nga mundësitë e saj në mënyrë më efikase sesa në fitoren 3-0 kundër Rumanisë.
Megjithatë, nëse Turqia luan si në pjesën e parë kundër Austrisë, do të shkaktojë probleme edhe për Holandën. Sidomos pasi Hakan Calhanoglu rikthehet pas pezullimit.”
