Ralf Schumacher, ish-piloti i F1 dhe vëllai më i vogël i shtatë herë kampionit të F1 Michael, ka zbuluar në Instagram se është në një lidhje me një mashkull.
Schumacher ka shpërndarë në Instagram një foto të tij dhe partnerit të tij, krah për krah, duke parë diellin që perëndon.
Në mbishkrim shkruhet: “Gjëja më e bukur në jetë është kur ke në krah partnerin e duhur, me të cilin mund të ndash gjithçka”.
Djali i Schumacher, David, ka komentuar dhe lavdëruar vendimin e babait të tij.
“Jam shumë i lumtur që më në fund gjete dikë me të cilin ndihesh vërtet shumë rehat dhe i sigurt”, komentoi ai.
“Qoftë burrë apo grua, jam 100% pas teje babi dhe të uroj gjithë të mirat. Urime.”
Ralf Schumacher ishte aktiv në F1 nga viti 1997 deri në vitin 2007.
Ai fitoi gjashtë çmime të mëdha dhe tani punon si analist i F1 për televizionin gjerman.
Për shumë vite ai ka qenë i martuar.
