Kina i konfirmon Kievit se nuk do të furnizojë me armë Rusisë pasi diplomatët e lartë të të dy vendeve zhvilluan bisedime më herët gjatë ditës, ka deklaruar presidenti ukrainas, Volodymyr Zelensky.
“Ministri i Punëve të Jashtme, Dmytro Kuleba , i cili po viziton Kinën këto ditë, zhvilloi bisedime me homologun e tij (Wang Yi) dhe më dha një raport mbi rezultatet e takimit… Gjithashtu u konfirmua ajo që më tha udhëheqësi kinez Xi Jinping- se Kina nuk do të furnizojë me armë Rusisë”, tha Zelensky.
Kuleba mbërriti në Kinë për një vizitë zyrtare tre-ditore të martën, duke shënuar udhëtimin e tij të parë në vend që nga fillimi i luftës Rusi-Ukrainë më shumë se dy vjet më parë. Ai është gjithashtu ministri i parë i jashtëm ukrainas që viziton Kinën që nga viti 2012.
Duke vënë në dukje se vizita e Kuleba-s në Kinë është e para në nivelin e ministrit të Jashtëm “në shumë vite”, Zelensky tha më tej se ekziston një “sinjal i qartë” se Kina mbështet integritetin territorial dhe sovranitetin e Ukrainës.
Ndërsa Pekini ka bërë thirrje për respektimin e integritetit territorial të të gjitha kombeve, nuk e ka dënuar Rusinë për luftën e saj kundër Ukrainës.
Në vend të kësaj, Kina, në bashkëpunim me Brazilin, ka propozuar një formulë de-përshkallëzimi me tre pika për të sjellë një zgjidhje politike për luftën.
Formula nuk përfshin zgjerim të fushës së betejës, asnjë përshkallëzim të luftimeve dhe asnjë provokim nga asnjë palë.
Pekini ka thënë gjithashtu se nuk shet “armë vdekjeprurëse” për asnjë palë të përfshirë në asnjë zonë konflikti.
