Në mbledhjen e Këshillit Kombëtar të Integrimit Europian, deputetja e PD, Jorida Tabaku foli në lidhje me procesin e Berlinit dhe integrimin europian. Ajo nënvizoi rëndësinë e procesit që sipas saj, është lënë pas dore nga qeveria socialiste prej disa vitesh, ndërkohë që në fokusin e saj kësaj radhe ishte çështja e rendit publik.
Në KKIE i pranishëm ishte dhe ministri i Brendshëm, Taulant Balla, ndërkohë që kryetarja e KKIE i kujtoi z. Balla se ende janë të freskëta skenat e shqiptarëve që shkojnë me gomone në Mbretërinë e Bashkuar. Gjithashtu ajo tha se ka rëndësi që policia e shtetit të mos jetë krahu i djathtë i grupeve kriminale.
