Qindra emigrantë nga më shumë se një duzinë vende të ndryshme janë nisur në këmbë drejt kufirit Meksiko-SHBA në mënyrë që të përpiqen të kalojnë kufirin përpara zgjedhjeve presidenciale në SHBA në nëntor, raporton AP.
Sipas agjencisë, emigrantët kanë frikë se kandidati republikan dhe ish-presidenti amerikan Donald Trump do të mbyllë kufijtë për azilkërkuesit nëse fiton zgjedhjet e 5 nëntorit.
“Ne rrezikojmë të na bllokohen lejet për të kaluar kufirin,” tha Miguel Salazar, një nga emigrantët nga El Salvador.
Qindra emigrantë janë nisur nga qyteti jugor meksikan, Ciudad Hidalgo, afër kufirit me Guatemalën, me shumë prej tyre që thonë se kanë pritur prej javësh për të marrë leje për të udhëtuar në veri të Meksikës dhe në kufirin e SHBA-së.
Emigrantët që përpiqen të kalojnë përmes Meksikës kanë udhëtuar në grupe të mëdha në vitet e fundit për të reduktuar rrezikun e sulmit nga bandat lokale ose ndalimin nga autoritetet meksikane, por karvanët e emigrantëve priren të shpërthehen në Meksikën jugore pasi njerëzit lodhen duke ecur qindra kilometra.
