Anglia është në gjysmëfinale të Euro 2024. Disa nga tifozët e saj nuk do ta vlerësojnë trajnerin Gareth Southgate.
Pasi mposhti Zvicrën me penallti në çerekfinalet e Kampionatit Evropian të shtunën, Southgate festoi para një tribune të mbushur me tifozë anglezë, me lojtarët e tij që kërcenin në rresht pas tij.
Ndihej si një përgjigje për kundërshtarët e tij, disa prej të cilëve madje hodhën gota plastike birrë në drejtim të tij, më pak se dy javë më parë.
Southgate pranoi se kritikat me të cilat është përballur për stilin pragmatik dhe të kujdesshëm të Anglisë, por ai thotë se ekipi i tij është “nga rruga”, duke thumbuar.
“Herë pas here ju mendoni, se me siguri duhet të ketë një kënaqësi në këtë punë? Pra, nëse nuk mund ta shijoj atë moment, atëherë do të ishte humbje kohe. Por unë i dua lojtarët, më pëlqen të jem në çdo moment me ta”, tha Southgate.
Anglia ka qenë në gjysmëfinale në tre nga katër turnetë kryesore gjatë qëndrimit tetë-vjeçar të Southgate. Por asnjë trajner tjetër i Anglisë në histori, nuk e ka arritur këtë lloj suksesi të vazhdueshëm, edhe pse skuadra nuk ka fituar një titull.
Prandaj edhe gjithnjë e më shumë, tifozët kanë treguar pakënaqësinë e tyre me instinktet e kujdesshme të Southgate dhe faktin që skuadra ka luajtur rrallë një stil argëtues, veçanërisht në Euro 2024. Nga pesë ndeshjet e Anglisë, skuadra e Southgate fitoi vetëm një herë në 90 minuta, golin 1-0 ndaj Serbisë.
“Shumë shpesh në të kaluarën, Anglia e fillonte mirë, por nuk mund t’i përfundonte ndeshjet,- argumenton Southgate. – Ne nuk ishim mendjemprehtë, nuk ishim të mençur në turne,” tha ai.
Kjo është diçka që ai është përpjekur ta ndryshojë që kur mori drejtimin në vitin 2016, kur Anglia sapo kishte dalë nga Kampionatin Evropian në Islandë nën drejtimin e Roy Hodgson.
“Njerëzit gjithmonë duhet të shikojnë prapa dhe të nxjerrin në pah gjërat. Por në përgjithësi, ne kemi treguar qëndrueshmërinë, që kanë pasur prej vitesh e vitesh, skuadrat që fitojnë turne si Italia, Franca, Spanja”, shtoi ai.
“Nuk është gjithçka futboll i pastër. Janë atribute të tjera ato dhe ne po tregojmë pak më shumë nga ajo natyrë e rrugës.”
