Adriana Kalaja ka sulmuar ashpër ditën e sotme mediat se përse nuk e pasqyrojnë fjalën e saj. Në protestën para Bashkisë së Tiranës ku kërkohet lirimi I Berishës, Kalaja u shpreh se mediat në Shqipëri janë pjesë e aleancës së qelbësirave. “Kthejeni kamerat ju kameramë. Çfarë ju ka bërë Adriana Kalaja? Pse u ka thënë të vërtetat, se paguheni nga inceneratorët, paguheni nga mafia, paguheni nga krimi, fikini kamerat. Nuk kemi nevojë që të na transmetoni ju që jeni bërë pis. Nuk kam respekt për pronarët tuaj. Ndizini kamerat ju mediat pjesë e aleancës se qelbësirave”, deklaroi Kalaja.
