Një grua emigrante është mbytur ndërsa 15 të tjerë janë shpëtuar pasi anija e tyre u përmbys të premten në ishullin Kos në Greqi, tha roja bregdetare, citon Reuters.
Në një incident të veçantë të premten, roja bregdetare shpëtoi 78 emigrantë nga një varkë prej druri që lundronte rreth 23 milje detare nga ishulli i vogël Gavdos në jug të Greqisë.
Emigrantët tani po dërgohen në ishullin fqinj të Kretës, tha një zyrtar i rojes bregdetare për Reuters në kushte anonimiteti.
Greqia ishte një portë e favorizuar për në Bashkimin Evropian për emigrantët dhe refugjatët nga Lindja e Mesme, Afrika dhe Azia në vitet 2015-2016, kur afro 1 milion njerëz zbarkuan në ishujt e saj, kryesisht nëpërmjet gomoneve të fryrë.
