Arjeta Puca është një sipërmarrëse shqiptare që krijoi automjetin e parë ushtarak vendas në Shqipëri të quajtur Shota, i quajtur pas një luftëtareje shqiptare. TRTWorld shkruan se Puca themeloi kompaninë e saj Timak në Tiranë tetë vjet më parë.
Kompania prodhon ambulanca dhe automjete të mbrojtjes dhe sigurisë. Sot automjetet e tyre janë në shërbim në më shumë se 20 vende. Ajo gjithashtu punon me OKB-në, Bankën Botërore dhe NATO-n.
Si një grua e re, Puca thotë se dëshiron që kompania e saj të fuqizojë vajzat dhe gratë në sektorët e dominuar nga meshkujt.
