Nga protesta para Bashkisë së Tiranës, deputeti demokrat, Tomor Alizoti i ka bërë thirrje Berishës t’i japë drejtim aksionit opozitar si duhet të vijojë.
“Rama nuk mundet me xhiro në bulevard, mundet me protestë. Sot ministri i Brendshëm krekosej si Aranit Cela që rrinte në Parlament dhe recitonte si duhet të sillet një deputet. Doktor që na sheh ndaje mendjen çfarë do bësh dhe ta mbyllim këtë punë”, tha Alizoti.
“Merreni seriozisht sepse arritja më e madhe në këtë vend ka qenë demokracia. Doktor i nderuar ndaj mendjen çfarë do bësh, sepse radikalizmin ne nuk po e kërkojmë. Ka ardhur tani. Ne jemi në diktaturë, nuk mund të lejojmë që bijtë e baballarëve ta shtypin prapë demokracinë. Këtu nuk ka më drejtësi. Ndaje mendjen doktor, çfarë do bësh me këtë parti, si do e bësh këtë punë”, tha më tej deputeti.
