E ftuara e mbrëmjes në “Goca dhe Gra”, Fatma Naçi, pas shumë kohësh në një intervistë, foli gjatë për jetën e saj, familjen, si dhe projektin aktual të Elvis Naçit në Top Channel.
Ajo edhe tek marrëdhënia e veçantë me partnerin, Elvisin. Surpriza e mbrëmjes ishte një letër nga ky i fundit, përmes së cilës ai shprehte dashurinë e madhe për Fatmën, por nënkuptonte në të njëjtën kohë edhe sakrificat e shumta që së bashku kanë kaluar.
“Pas humbjes së fëmijës së parë, nuk kisha shumë shpresa se mund të bëhesha prapë nënë; vetëm 50% më thanë doktorët. I lutesha Zotit, çdo ditë. Më pas pashë një ëndërr, dhe ndodhi mrekullia“- u shpreh Fatma.
Letra e Elvisit;
E dashur Fatma,
Është e vështirë që vetëm në një letër të rrëfej atë që më thotë zemra. Por për pak çaste me zemër në duar po kujtoj se sa e veçantë je ti për mua, për familjen, për fëmijët.
Studimet thonë se dashuria zbehet pas 7 vitesh, 10 vitesh apo 15 vitesh… Ne i kemi rrëzuar këto sondazhe, jemi të lumtur bashkë prej 20 vitesh.
Është e vërtetë, ti je zbukurim i jetës për mua dhe unë e di se po ashtu jam zbukurimi i jetës për ty. Pika jote e fortë është sinqeriteti… Dhe defekti yt më i madh është që:
Punon më shumë se duhet, edhe për mua bën më shumë se duhet… Shpenzon në çdo projekt më shumë energji se duhet…
Sa herë shoh djalin tonë Firdeus, të shikoj ty, sa shumë të ngjan, sa shumë lumturi na ka sjellë… Por nuk duhet të mërzitesh sepse Ejmeni dhe Asja më ngjajnë mua… Kanë tiparet e mia fizike por të ngjajnë po aq shumë edhe ty, në karakter…
Datën 20 mars nuk e harroj, as aromën që merr shtëpia sa herë ti bën biskota për ne. Pa përtuar, me pak harxh, miell, gjalp e sheqer ëmbëlton të tërë anëtarët e familjes.
Kemi kaluar momente të vështira, kemi pasur humbje, kemi derdhur edhe lot, por në fund unë të kam qendruar dhe do të qëndroj gjithmonë besnik.
E veçanta është që në miliarda njerëz në tokë Zoti na bashkoi te dyve. Besoj se edhe kur të udhëtojmë në botën tjetër do të jemi përsëri bashkë.
P.S.
E di që kjo letër po lexohet në një grup grash të nderuara prandaj për të gjitha ju dhe publikut doja t’ju kujtoja se:
“Zoti ju krijoi në çift dhe krijoi ndërmjet çiftit dashuri dhe mëshirë, respekt, harmoni dhe paqe”…
Elvis Naçi
