FIFA organi botëror i futbollit ka publikuar paraditen e së enjtes renditjen e ekipeve kombëtare. Shqipëria ngjitet me dy pozicione dhe mban vendin e 65-të, ndërsa edhe Kosova ka ngjitur tre shkallë duke qenë në vendin 101. Ndërkohë Argjentina vijon të jetë në krye, me kampionët e botës në fuqi që ndiqen nga Franca. Bie në sy ngjitja e Italisë me një pozicion dhe qëndrimi i Gjermanisë dhe Kroacisë jashtë dhjetë ekipeve më të mira kombëtare në botë.
Shqipëria dhe Kosova
Dy ndeshjet e fundit të Kombëtares (humbja me Çekinë dhe fitorja me Gjeorgjinë) kanë bërë që kuqezinjtë të fitojnë dy pozicione në renditjen botërore. Tanimë tanët mbajnë vendin e 65-të duke lënë pas vetes emra si Gjeorgjia, Finlanda, Islanda, Maqedonia e Veriut apo Mali i Zi.
Ngjitje edhe për Kosovën, e cila nga vendi i 104 do pozicionohet në atë të 101, pas tre fitoreve radhazi në Ligën e Kombeve. Ecuria e mirë e Dardanëve po shpërblehet, me përfaqësuesen e Kosovës që ka një përballje kundër Rumanisë në nëntor për kreun e grupit.
Ndërkohë, kombëtarja shqiptare luan kundër Çekisë dhe Ukrainës më 16 dhe 19 nëntor në ‘Air Albania’ dy ndeshjet e fundit në Grupin B1 dhe është në garë për kreun e tabelës.
Vijon….
