Në një rrëfim për jetën e tij Alfred Cako i njohur për konspiracionet e ndryshme dhe qëndrimet e zëshme, ka treguar shumë më shumë për veten në studion e ‘Ftesë në 5’.
Puna e parë e djaloshit çapkën nga Korça, ka qenë siç ai vetë dëshiron ta quajë, ‘lopataxhi’. Edhe pse në një moshë shumë të vogël, i penguar për të vazhduar shkollën e mesme, ai ka rrëfyer se ngarkonte 13 vagona në ditë.
Më tej Cako ka treguar se është fejuar shumë shpejt, në moshë të hershme dhe me bashkëshorten kanë sot dy fëmijë, një djalë dhe një vajzë.
Raporti i ngushtë me vajzën ka qenë gjithmonë dallues dhe në program nuk mungoi dhe një videomesazh surprizë prej saj./Top Channel
