Inteligjenca artificiale po bëhet pjesë e çdo sektori, përfshirë edhe bujqësinë. Shkencëtarët evropianë kanë zhvilluar një algoritëm të inteligjencës artificiale (AI) të aftë për të interpretuar tingujt e derrit. Synimi është të krijojë një mjet që mund të ndihmojë fermerët të përmirësojnë mirëqenien e kafshëve.
Kërkimet e mia fokusohen në mënyrën se si kafshët shprehin emocionet, dhe më pas unë krahasoj shumë specie. Projekti i derrave ishte pjesë e një bashkëpunimi të madh të BE-së që e filluam në 2016. Më pas kombinuam të gjitha regjistrimet që kishim sepse ishim të interesuar të zhvillonim përfundimisht një mjet për fermerët që mund t’i lejonte ata të dinin se çfarë përjetojnë derrat e tyre”.
Elodie Mandel-Briefer, biologe në Universitetin e Kopenhagës dhe bashkëdrejtuese e studimit thotë se ky algoritëm mund të paralajmërojë fermerët për emocionet negative te derrat dhe si ti ndryshojmë ato.
“Dhe kështu ne mblodhëm shumë regjistrime . Ne arritem të siguronim këtë bazë të dhënash thirrjesh që prodhojnë emocione specifike, nga shumë derra të moshave të ndryshme. Dhe më pas ne zhvilluam AI, inteligjencë artificiale që mund të na tregonte, nëse tingujt e regjistruar ishin emocione pozitive apo negative.”
Shkencëtarët, nga universitetet në Danimarkë, Gjermani, Zvicër, Francë, Norvegji dhe Republikën Çeke, përdorën mijëra tinguj derri të regjistruar në skenarë të ndryshëm. Këto përfshinin lojën, izolimin dhe konkurrencën për ushqim. Ata zbuluan se gërvishtjet, bojërat dhe klithmat mund të zbulojnë shumë rreth këtyre kafshëve.
“Unë mendoj se ka një interes të madh nga të gjithë për të pasur një mjet të tillë. Dhe gjithashtu për fermerët. Pasi të mësojnë funksionimin e këtij mjeti, dhe ta kenë të shkarkuar aplikacionin në telefonin e tyre atëherë fermerët do të arrijnë të kuptojnë se çfarë duan të transmetojnë derrat e tyre”
Mandel -Briefer tregon se tashmë shumë fermerë kanë në dorë mirëqenien e kafshëve të tyre dhe kuptojnë gjendjen e tyre fizike.
Algoritmi tregoi se derrat e mbajtur në ferma të jashtme, të lira ose organike me aftësinë për të bredhur dhe gërmuar në papastërti prodhonin më pak stres sesa derrat e rritur në mënyrë konvencionale. Studiuesit besojnë se kjo metodë, pasi të zhvillohet plotësisht, mund të përdoret gjithashtu për të diferencuar fermat, duke ndihmuar konsumatorët të bëjnë zgjedhje e duhura.
Sipas biologes zhvillimi i inteligjences artificiale ka lehtësuar shumë procese dhe progresi është goxha i madh.
“Pra, ne kemi nevojë për AI sepse kemi nevojë për sisteme të automatizuara. Dhe kështu që në vitin 2016 ne u përpoqëm të përdornim një lloj tjetër të inteligjencës artificiale, por me lulëzimin e metodave të reja në fakt bëhet gjithnjë e më e lehtë për t’i bërë këto gjëra. Pra, kemi bërë shumë përparim me ekipin tonë dhe po funksionon shumë mirë kudo.”
Gërrmimat e shkurtra zakonisht tregojnë emocione pozitive, ndërsa rënkimet e gjata shpesh sinjalizojnë siklet, si p.sh. kur derrat shtyjnë njëri-tjetrin nga lugu. Tingujt me frekuencë të lartë si britma ose klithma zakonisht nënkuptojnë se derrat janë të stresuar, për shembull, kur ata kanë dhimbje, luftojnë ose ndahen nga njëri-tjetri.
“Të gjitha analizat i bëj vetë, si psh nxjerrja e parametrave. Por ekipi im përdor gjithashtu inteligjencen artificiale për këtë dhe ndihmon shumë sepse mund të jetë shumë më i shpejtë. Kështu për shembull, nëse i bëjmë gjërat me dorë, atëherë duhet të kalojmë nëpër regjistrime dhe të gjejmë gjithçka nga fillimi në fund. Sapo të kemi një AI, do kemi mundësi të sigurojmë të gjithë tingujt e mundshëm të kafshëve.”
Ajo shtoi se teknologjia mund të zhvillohet në një aplikacion për fermerët për të përmirësuar mirëqenien e kafshëve të tyre. Ajo sugjeron se, duke pasur të dhëna të mjaftueshme, kjo metodë mund të zbatohet gjithashtu për të kuptuar emocionet e gjitarëve të tjerë.
“Oh, është një mjet fantastik. Hap kaq shumë mundësi në krahasim me mënyrën manuale të regjistrimeve. Para së gjithash, është shumë, shumë i shpejte. Të kesh një person që kalon nëpër regjistrime dhe të shënojë dhe klasifikojë thirrjet është diçka që zgjat përgjithmonë. Eshtë e kushtueshme dhe ju nuk i merrni të dhënat në kohë reale. Ju mund t’i merrni të dhënat në kohë reale kur përdorni inteligjencën artificiale.”
Fusha relativisht e re e studimit mbi emocionet e kafshëve njeh shëndetin mendor të bagëtive si jetike për mirëqenien e tyre të përgjithshme.
Megjithatë, shumica e strategjive aktuale të mirëqenies së kafshëve fokusohen kryesisht në shëndetin fizik, duke përdorur sisteme që monitorojnë automatikisht këto aspekte për fermerët.
