“Koleksionet Veneciane në Bibliotekën Kombëtare të Shqipërisë”, një ekspozitë e rrallë, me rreth 600 libra dhe harta origjinale të shtypura në Venecia, mes viteve 1400-1800 do të hapet në Bibliotekën Kombëtare të Shqipërisë. Pjesa më e madhe ekspozohen për herë të parë në publik.
Ekspozita është kuruar nga kuratorja shkencore Elisabetta Sciarra , Drejtore e Bibliotekës Kombëtare Qendrore e Firences dhe vjen në bashkëpunim me Institutin Italian të Kulturës, duke sjellë qindra libra të shoqëruara me harta origjinale, veçanërisht ato që kanë të bëjnë me Ballkanin dhe Shqipërinë. Koleksioni unik do të prezantohet për publikun të hënën dhe do ekspozita do të qëndrojë e hapur deri në 4 nëntor.
