Ernest Muçi ka luajtur sërish si titullar te Beshiktash. Pas një periudhe të keqe, tashmë duket se ka fituar besimin e trajnerit Van Bronkhorst.
Lojtari i Kombëtares shqiptare ishte protagonist te penalltia e fituar nga Beshiktash. Pikërisht Muçi hodhi topin në zonë në aksionin ku u fitua më pas penalltia që u përkthye në gol.
Beshiktash gjithsesi u ndal me 1 gol nga Gaziantep në fundin e takimit. 1 me 1 përfundoi gjithçka, teksa tashmë Beshiktash mban vendin e tretë me 5 pikë më pak se Gallatasarai.
