Paparazzi/ Dashnor Sula protagonist i përplasjeve me Gardën dhe FNSH! Akrobacitë e demokratit për t’u futur në Kuvend

Ditën e enjte pamë sesi deputeti i qarkut të Elbasanit, Dash Sula e kishte ndarë mendjen për t’u futur në Parlament, pavarësisht gardistëve që se lejonin.

Të shumtë kanë qenë përballjet e tij fizike, duke bërë që shpesh herë të ndalohej edhe me forcë nga ana e gardistëve. Si një ndër deputetët më aktiv, Sula nuk është dorëzuar për asnjë moment, madje duke djegur edhe xhaketën e tij.

Shpesh herë, pranë tij shkonin edhe kolegët, që e ndihmonin për të kaluar në anën tjetër të gardhit, një mision ky thuajse i pamundur. Megjithatë, ajo që vumë re, në mes të gjithë të kësaj rrëmuje, ishte fakti se deputeti nuk e kishte humbur për asnjë moment buzëqeshjen e tij.

Teksa përplasjet kanë qenë të forta, dhe shpesh herë është lënë edhe i vetëm përballë gardistëve, Sula përgjatë gjithë kohës shfaqej me një buzëqeshje në fytyrë.