Trajneri i Atletico Madrid, Simeone doli në konferencë para ndeshjes ndaj Lille në Champions. Simeone u shpreh se skuadra franceze është ekip që mund t’i hapë probleme kujtdo, ndaj pritet një ndeshje e “zjarrtë”.
“Është një ekip që luan shumë mirë. Ata mundën Realin, performuan shumë mirë në ligë, në Champions League humbën në Lisbonë (kundër Sportingut). Kanë një ekip me lojtarë që, bazuar në karakteristikat e trajnerit të tyre, luan një lojë të ndezur dhe të guximshme dhe nuk mund ta imagjinoj të shoh një skuadër ndryshe nga ajo”- tha ai.
