– Kampioni i Evropës, Real Madridi nuk e ka nisur mirë në Champions Leaguen e re dhe ndodhet në vendin e 24-të të renditjes, që është vendi i fundit që i jep kualifikimin në “play-off”.
Real Madrid ka 3 humbje në 5 ndeshje dhe ka grumbulluar vetëm 6 pikë. Ata humbën 1-0 nga Lille, 3-1 nga AC Milan dhe 2-0 nga Liverpool. I kanë mbetur edhe 3 ndeshje që të kthejë situatën dhe të renditet sa më lart.
Gjithsesi, trajneri italian me përvojë nuk është i shqetësuar dhe megjithatë beson se skuadra do të jetë në finalen e Champions League më 31/5.
Kështu ka rrëfyer gazetari i “Gazzetta Dello Sport”, Alberto Cerutti, i cili është pritur në radion spanjolle “Cadena SER”.
Gazetari italian përcolli mesazhin e Ancelottit i cili ishte si më poshtë:
“Askush nuk do të luftojë kurrë me Ancelottin, cilësia e tij më e madhe është qetësia. I dërgova një mesazh pasdite se do të jem në radio dhe më tha t’ju them se Reali do të jetë i pranishëm në Mynih për finalen e Champions League”.
