Trajneri i Monacos la lavdërime të plota për Ángel di María, para ndeshjes së Ligës së Kampionëve me Benfikën.
“Ai është një nga lojtarët më të famshëm në botë, një nga më të mëdhenjtë në historinë e Champions League. Të gjithë e njohin, ai ka luajtur edhe në Francë, te PSG. Nuk them se do të meritojë vëmendje të veçantë, por duhet të jemi të kujdesshëm, megjithëse fokusi im është gjithmonë tek kolektivi. Benfica është në formë të mirë, por edhe ne”,- tha Adi Hutter duke folur për Sport TV.
Austriaku e pret një “duel të madh, kundër një kundërshtari të madh, një prej klubeve më të njohura në botë”. “Ne mezi presim të përballemi me Benfikën. Është një lojë shumë e rëndësishme për të dyja skuadrat dhe ne mund të bëjmë një hap të madh përpara. Benfica do të jetë nën presion, kështu që mund të jetë një lojë e shkëlqyer”,- shtoi ai.
Monaco është në krye të Ligës së Kampionëve, me 10 pikë, dhe kjo është arsyeja pse Hutter mbajti një fjalim më komod në nisjen e ndeshjes së kësaj të mërkure: “Kemi katër pikë të tjera, jemi të pamposhtur në kompeticion. Benfica është një kundërshtar i madh, por ne jemi të përgatitur, na pëlqen të shënojmë këtu në Monaco”.
