Analisti Agim Baçi komentoi sot në studion e emisionit “Open” në News 24 protestën e opozitës që u zhvillua sot për tre orë në Tiranë.
Baçi tha se Mosbindja Civile që po bën Partia Demokratike nuk është modeli i duhur për të ‘zgjuar’ qytetarët.
Baçi: Ideja që vazhdon ta bëjë PD që merr leje për 3 orë për mos tu bindur ka problemet e veta. Madje dëgjova drejtues të PD që këtë protestën thanë se e bëjnë për të zgjuar qytetarët…Qytetarët nuk i zgjon ti me këtë lloj modeli. Ti i përfaqëson. Opozita nuk është instrument individual…
MB do kishte më shumë kuptim nëse thirrja e PD do bënte që mijëra qytetarë të bllokonin rrugët e mos lëviznin nga aty. Thelbi i protestës, qoftë edhe qeveria teknike është e ligjshme që ta kërkojë opozita. Por ky lloj modeli a i ka dhënë pikë deri më sot PD? A është kjo rruga për ta bërë shumicë?
