Bledi Shkëmbi nuk është më trajner i Tiranës. Klubi bardheblu ka zyrtarizuar largimin e teknikut, nëpërmjet një postimi në rrjetet sociale.
“KF Tirana njofton largimin e trajnerit Bledi Shkëmbi. Klubi dhe trajneri kanë gjetur marrëveshjen për të mbyllur bashkëpunimin. Shkëmbi është ndarë duke u përshëndetur me skuadrën dhe stafin teknik. KF Tirana e falënderon trajnerin për kontributin e tij si dhe vlerëson punën e bërë përgjatë qëndrimit të tij në kampin bardh’e blu”- shkruan klubi.
