Ernest Muçi është shfaqur protagonist në ndeshjen që ekipi i tij, Besiktas po luan në shtëpi përballë Malmo. Sfida e vlefshme për raundin e katërt të Europa League është momentalisht 1-0.
Ishte pikërisht Muçi ai që shënoi golin për të tijët, pas një aksioni perfekt të ekipit të Besiktas. Nga një kënd jo dhe aq i lehtë, shqiptari lëshoi një goditje potente duke kaluar në avantazh gjigantin turk.
Forma e Muçit nuk është një lajm i mirë vetëm për Besiktas. Sulmuesi shqiptar pritet që të japë kontributin e tij edhe me Kombëtaren në ndeshjen e nëntorit përballë Çekisë dhe Ukrainës.
