Tashmë dihet se në kulturën pop që fansat e “The Simpsons” besojnë se seriali ka parashikuar një sërë ngjarjesh botërore, si presidenca e Donald Trump në 2016, kthesa në fund të “Game of Thrones” dhe shumë ngjarje të tjera.
Në episodin nga sezoni i 11-të i serialit, i titulluar “Bart in the Future” që u transmetua për herë të parë në vitin 2000, duket se parashikon rrugën e Trump për në Shtëpinë e Bardhë.
Gjatë episodit, Lisa e veshur me një kostum lejla zgjidhet Presidente në të ardhmen, duke pasuar Donald Trump.
“Siç e dini, ne trashëguam një situatë mjaft të vështirë fiskale nga Presidenti Trump,” tha Lisa në këtë episod.
Në vitin 2021, klipi ishte bërë viral në mbarë botën kur Harris u bë zëvendës-presidentja e parë femër e SHBA-së kur presidenti Joe Biden fitoi zgjedhjet e vitit 2020. Në atë kohë, njerëzit në internet vunë në dukje se Harris kishte zgjedhur një veshje të ngjashme me atë të Lizës kur ajo bëri betimet e saj, një xhaketë vjollcë me vathë perla dhe një gjerdan perla.
Por klipi u risoll sërish në vëmendje, kur Harris kandidoi për presidente.
Në korrik 2024, krijuesi i shfaqjes Al Jean postoi një kolazh fotografik të Lisa dhe Kamala Harris dhe shkroi: “Parashikimi” i “The Simpsons” në të cilin jam krenar që jam pjesë”.
Të gjithë prisnin që Harris të bëhej presidente, megjithatë, këtë herë seriali i famshëm ka dështuar, pasi garën presidenciale e fitoi Donald Trump.
