Që kur ai u bë një nga figurat kryesore në futbollin evropian dhe aq më tepër, që kur ishte vendimtar që Bayer Leverkusen të fitonte Bundesligën e parë në historinë e saj në 2023-24, e ardhmja e Florian Wirtz ka qenë në qendër të vëmendjes.
Tani Fernando Carro, CEO i Leverkusenit, ka bërë disa deklarata që mund të dekurajojnë të gjitha klubet e mëdha që ëndërrojnë të nënshkruajnë me 21-vjeçarin Wirtz në afat të shkurtër këtë verë.
Carro deklaroi se Bayer Leverkusen dëshiron që “Florian (Wirtz) të qëndrojë të paktën deri në Kupën e Botës 2026”. Drejtori ekzekutiv i kampionëve gjermanë konfirmoi gjithashtu në një deklaratë të Kölner Stadt-Anzeiger, se ideja e Leverkusenit është që ndërkombëtari i ri gjerman do të rinovojë dhe se negociatat janë duke u zhvilluar. Kontrata aktuale e Florian Wirtz përfundon në vitin 2027.
Sipas deklaratave të Fernando Carro, Leverkusen ka caktuar disi një datë për largimin e mundshëm të Wirtz. Por, nëse nuk rinovon, ylli gjerman mund të largohet këtë verë. Megjithatë, Carro shpjegoi se “ne po flasim me të dhe familjen e tij dhe jemi shumë të sigurt për këtë (rinovimin e mundshëm të mesfushorit të ri).
Ka shumë klube me të cilat Wirtz ka qenë i lidhur, nga Bayern, Real Madrid apo PSG, te Manchester City dhe Liverpool. Gjithashtu mbetet për t’u parë nëse e ardhmja e mesfushorit do të lidhet me atë të trajnerit të tij aktual, Xabi Alonso, i cili shihet si trajneri i ardhshëm i Real Madridit.
Bayern ishte një nga ata që donte të inkorporonte Wirtz këtë verë, por drejtuesit e klubit të Mynihut tashmë e shohin se kjo është pothuajse e pamundur, ndaj po mendojnë për ish-lojtarin e Barcelonës, Xavi Simons, 21 vjeç dhe që po luan për Leipzig sezonin e dytë radhazi, i huazuar nga PSG, i cili kërkon 80 milionë euro për holandezin.
Këtë sezon Wirtz, i cili iu bashkua ekipit të parë të Bayer Leverkusenit në verën e vitit 2020 (nga U-19, të cilit iu bashkua nga radhët e të rinjve të Këlnit), ka shënuar 12 gola në të gjitha garat (7 në Bundesligë dhe 5 në Ligën e Kampionëve) dhe ka dhënë 8 asistime (përkatësisht 7 dhe një), ndërkohë që skuadra e Xabi Alonso është e dyta në Bundesligë (4 pikë prapa liderit) Bayern dhe i katërti në Champions League.
