Manchester City bie kundër Bournemouth dhe humbet ndeshjen e shtatë në nëntë të fundit. Një krizë e pafund për ‘Qytetarët’, të cilët kanë rrëshqitur në fund të tabelës, larg majës, pas katër titujve të fituar.
Pep Guardiola, pas një tjetër disfate, është shprehur kështu për kanalet zyrtare të klubit anglez: “Humbëm, tani mendojmë për Evertonin dhe jo shumë më gjatë. Humbëm një ndeshje tjetër dhe duhet të mendojmë se çfarë të bëjmë që të fitojmë. Unë jam këtu për të dhënë përgjigjen time, por nuk kam justifikime, thashë që kur humbet shumë ndeshje duhet edhe të fitosh”.
Manchester City i rekordeve pozitive mund të bëhet Manchester City i rekordeve negative: “Ky ekip ka qenë konstant për një kohë të gjatë dhe ne kemi thyer të gjitha rekordet, tani jemi në anën tjetër, – thotë Guardiola, – dhe kjo është e vërteta.
Duhet të gjejmë një mënyrë për të dalë prej saj. Jemi në atë pozicion, ndonjëherë çdo gjë është më e vështirë, por lojtarët duhet të thonë ‘Ok, do të përpiqemi’. Në fund të fundit është vetëm një lojë. Mund të fitosh lojëra, të humbësh lojëra, të jesh i njëjti, të ndryshosh gjërat, por kjo është vetëm një lojë.”
Më pas trajneri u përgjigjet pyetjeve për arsyet e periudhës së errët: “Sigurisht që ka arsye të tjera. Ne pësojmë golat që nuk i kemi pranuar në të kaluarën, nuk shënojmë golat që kemi shënuar në të kaluarën. Futbolli mungon te ne. Vetëm për një arsye ka shumë faktorë të vegjël, ne e fituam Premier League, por sot erdhëm këtu dhe humbëm hap hapi shumë rekorde, sa më shpejt duhet ta gjejmë rrugën e kthimit”.
