E ardhmja e Van Dijk është në dyshim. Mbrojtësi është në fund të kontratës me Liverpool dhe ende nuk është gjetur gjuha e përbashkët me The Reds, për të vijuar më tej bashkëpunimin.
“Unë e dua klubin dhe klubi më do mua. Unë i dua tifozët dhe tifozët më duan – kjo është një bazë e shkëlqyer për sukses. Sipas mendimit tim, unë mund të luaj edhe tre ose katër vjet në nivelin më të lartë. Do të shohim çfarë na pret e ardhmja”- tha ai, në një intervistë të dhënë së fundmi.
Holandezi numëron mbi 150 ndeshje me Liverpool dhe prej vitit 2017 kur u transferua në Anfield nga Southampton, ai është shndërruar në pikë referimi, duke i dhënë sigurinë e duhur prapavijës.
