Në Francë nuk është sekret. Emmanuel Macron dëshiron të jetë një tifoz futbolli. Presidenti i Francës është parë shpesh të ndjekë me vëmendje dhe pasion, qoftë në tribuna apo nga larg, rrugëtimin e skuadrës franceze në Botërorin e vitit 2018 në Rusi dhe atij të vitit 2022 në Katar, apo të pretendojë të jetë një mbështetës i Olympique de Marseille.
Madje presidentin e pamë të merrte pjesë në një ndeshje të Variétés Club de France në Poissy, në Prill të këtij viti! Por nga “futbollisti” në “lider”, duket se ka vetëm një hap për Presidentin aktual të Republikës.
Kreu i shtetit francez, i cili nuk do të jetë në gjendje të kandidojë për një mandat të tretë radhazi në vitin 2027, do të kishte vërtet një ambicie personale për të ardhmen.
Sipas informacioneve të Le Monde , lideri 47-vjeçar francez do ta imagjinonte veten të merrte frerët e FIFA-s në të ardhmen. Organi drejtues i futbollit botëror tani ka ndikim të madh dhe peshë diplomatike.
Mes të gjithë liderëve politikë të planetit të ftuar në rihapjen e Notre-Dame së fundmi, Gianni Infantino ishte i pranishëm. Kjo mundësi për të parë Emmanuel Macron të vendosur pranë liqenit të Gjenevës mbetet një rrugë ndër të tjera, shpjegon e përditëshmja franceze.
