Gjashtëmbëdhjetë gola dhe 11 asistime pak ditë para fundit të muajit dhjetor janë statistika të jashtëzakonshme. Jo thjesht një top-lojtar, por një kampion që ka shkruar historinë e Liverpool-it për më shumë se 7 vjet tani dhe emri i tij, padyshim, është Mohamed Salah. Egjiptiani tashmë u bë golashënuesi i katërt më i mirë i të kuqve në histori kundër Tottenhamit, por vula që iu vu Leicesterit dje në mënyrë efektive siguroi sigurinë e tre pikëve dhe konfirmoi pozicionin e tyre si lider i padiskutueshëm i renditjes së Premier League.
Duke folur për Amazon Prime pas fitores 3-1 ndaj “dhelprave”, Salah komentoi: “Është një rezultat i mirë. Ata ishin shumë të komplikuar për të luajtur kundër në pjesën e parë dhe në pjesën e dytë, në mënyrën se si u përgatitën, ata ishin shumë të mirë. Jam shumë krenar për të gjithë djemtë, po bëjmë të gjithë së bashku një punë fantastike. Shpresoj të vijojmë kështu, e të bëjmë realitet fitimin e titullit kampion”.
