Skuadra kryesuese e Cleveland u mund mbrëmjen e djeshme në mënyrë befasuese 122-113 nga Miami Heat, por ruan kreun e renditjes si në Konferencën e Lindjes. Tyler Herro me 34 pikë ishte më i miri në fushë për Miami. Ndërkohë që Calvajers shënojnë humbjen e 4 radhazi këtë sezon në NBA.
Një ndeshje magjike për Nikola Jokic, që realizoi 48 pikë e 14 rebound për Denver, në fitoren 141-111 në fushën e Atlanta. Serbi ishte i papërmbajtshëm në parket, duke udhëhequr Nuggets drejt një fitore me shumë peshë ndaj Atlantas në transfertë.
Jashtë fushe fiton edhe Milwaukee, që mundi 118-113 Brooklyn, në një sfidë ku “ylli” i kësaj skuadre Antetokounmpo realizoi 34 pikë.
Rikthehet te fitorja ekipi i Lakers, që mundi 107-98 Portland, sfidë ku Anthony Davis realizoi 30 pikë e 11 rebound. Në mungesë të Le Bron James, luajti i biri i tij Bronny që realizoi 3 pikë në këtë sfidë.
Fiton edhe Golden State, 114-106 ndaj Minnesota, takim ku spikati “ylli” i skuadrës Stephen Curry, i cili realizoi 30 pikë.
