Jasir Asani është në qendër edhe të kësaj merkato dimërore që po vjen. Shumë ekipe ishin pas tij në verë, por asnjë prej tyre nuk arriti akordin me klubin e Gëangju, aty ku shqiptari aktivizohet.
Megjithatë, në këtë periudhë që futbollisti është i dëmtuar, ai po e shfrytëzon për pushime. Asani ka publikuar një foto në “InstaStory” nga ndërtesa e famshme në Dubai, Buji Kalifa. Sulmuesi i Kombëtares ka lënë Korenë e Jugut, për të shijuar disa çaste në Emiratet e Bashkuara Arabe.
Kujtojmë që 29-vjeçari ishte prezent edhe mbrëmjen e djeshme në “Air Albania” në derbin e kryeqytetit mes Partizanit dhe Tiranës. Madje, sulmuesi u takua edhe me presidentin e të kuqve, Gaz Demi.
