Të enjte në orën 13:30 Manchester City dhe Everton përballën për raundin e 18-të në Premier League. “Qytetarët” e Guardiolës janë në krizë dhe në 12 ndeshjet e fundit kanë vetëm një fitore. Nga kjo situatë kërkon të përfitojë Evertoni me Armando Brojën në sulm.
Nëse kundër Chelsea klauzola ia ndaloi të ishte në fushë, këtë herë Broja pritet të marrë minuta dhe trajneri Sean Dyche e ka motivuar 23-vjeçarin e Kombëtares.
“Po bashkohemi, por e duam elementin konkurrues me sulmuesit. Duam lojtarët që kërkojnë të luajnë dhe kur nuk po shënojnë gola, duhet të jetë mundësi e artë për një sulmues që të bëjë diferencën. Katër sulmues që konkurrojnë për një vend duhet të jetë motivim i mirë”, tha ai.
Këtë sezon Armando Broja është karakterizuar nga një dëmtim dhe me rikthimin në gjendje optimale ka marrë 102 minuta të ndara në dy ndeshje, ndërsa pritet me kërshëri sfida kundër Man. Cityt.
