Luan Tërnova ishte shënjestra e atentatit të sotëm në Bulqizë. Dosja.al mëson se ka qenë vetë Tërnova që ka bërë denoncimin në policinë e Bulqizës për atentat ndaj tij. Tërnova në polici ka deklaruar se kanë qëlluar në drejtim në tij, teksa po dilte nga xhamia pas faljes së namazit të xhumas.
Por kush është Luan Tërnova?
Luan Tërnova nuk është emër i panjohur për autoritetet policore në vend. Tërnova është arrestuar në vitin 2016 së bashku me nënën e tij për armëmbajtje pa leje. Sipas policisë Luan Ternova ka qenë i dënuar më parë për vjedhje banesash në Francë dhe pasi kishte dalë nga burgu ishte deportuar në Shqipëri. Luan Tërnova është dhe vëllai i Fadil Ternovas, i njohur si i forti i Bulqizës me histori të ngjashme kriminale./Dosja.al
