Pas deklaratave dhe akuzave të bëra nga Sali Berisha ndaj Pandeli Majkos, ku shprehet se ky i fundit ka qenë i përgjuar nga SHISH, ka reaguar Prokuroria e Posaçme.
Në një deklaratë për mediat, SPAK bën me dije ndaj socialistit Majko nuk ka asnjë kallëzim.
“Pas verifikimeve të kryera në Regjistrin e Kallëzimeve Penale dhe Regjistrin e Protokollit në Prokurorinë e Posaçme kundër Korrupsionit dhe Krimit të Organizuar nuk rezulton asnjë material kallëzues apo procedim penal në ngarkim të shtetasit Pandeli Majko”, deklaron SPAK.
