Carlo Ancelotti do të largohet nga Real Madrid në fund të sezonit. Ky është lajmi i bujshëm që vjen nga Spanja.
Sipas “Onda Cero”, tekniku italian ka vendosur të largohet nga drejtimi i madrilenëve, pas përfundimit të sezonit aktual, ndonëse ka kontratë deri në vitin 2026.
Ancelotti është në stolin e Real Madrid nga viti 2021, ku ka fituar edhe dy Liga të Kampioneve, të cilat i shtohen edhe asaj të fituar në eksperiencën e parë në vitin 2014.
Thuhet se Xabi Alonso është favoriti për të marrë drejtimin e “Los Blancos” për sezonin e ardhshëm.
