Liverpoolit i mjafton një pikë ndaj Lille, për t’u renditur në top-8 vendet e para në Champions. Tekniku i The Reds, Arne Slot, ka dhënë opinionin e tij, në konferencën e zakonshme.
“E njoh trajnerin Bruno Genesio. Ne shohim Lille duke mposhtur Realin dhe Atletico-s. Meqenëse kam parë shumë ndeshje të Lille, nuk jam më i befasuar. Ata i meritojnë pikët që kanë marrë deri tani. Pyeteni trajnerin e Lille nëse ata do të ruajnë stilin e tyre të zakonshëm. Ne kemi nevojë për një pikë për të qenë në top-8. Gjithmonë synojmë të zhvillojmë stilin tonë pa u përshtatur”- tha Slot.
