Papa Françesku deklaroi këtë të mërkurë se abuzimi me fëmijët është një krim i tmerrshëm.

“Abuzimi i të miturve, pavarësisht nga natyra e tij, është një akt i neveritshëm, i tmerrshëm. Nuk është vetëm një plagë e shoqërisë, por është një krim”, theksoi Papa, shkruan Ansa.

Ai gjithashtu theksoi se kjo është “një shkelje e rëndë e urdhërimeve të Zotit”.
Papa shtoi se asnjë fëmijë nuk duhet të vuajë nga abuzimi dhe bëri thirrje për zgjim të ndërgjegjes, afërsi dhe solidaritet ndaj fëmijëve dhe adoleshentëve të dhunuar.

Ai gjithashtu bëri thirrje për ndërtimin e besimit me ata që punojnë për të ofruar një mjedis të sigurt ku fëmijët mund të rriten në paqe.