Vladimir Putin ka thënë se është gati të diskutojë luftën në Ukrainë me Donald Trump dhe sugjeroi se do të ishte një ide e mirë që ata të takoheshin.
Në komentet e tij të para që kur Trump lëshoi kërcënimet për t’i shkaktuar dëme ekonomike Rusisë nëse ajo dështon t’i japë fund luftës në Ukrainë, Putin dha një ton të favorshëm ndaj presidentit të SHBA.
Putin i tha një gazetari të televizionit shtetëror rus: “Ne i besojmë deklaratave të presidentit aktual për gatishmërinë e tij për të punuar së bashku. Ne jemi gjithmonë të hapur për këtë dhe të gatshëm për negociata.
Do të ishte më mirë që ne të takoheshim, bazuar në realitetet e sotme, për të biseduar me qetësi.”
Putin vazhdoi duke e përshkruar marrëdhënien e tij me Trump si një marrëdhënie biznesi, pragmatike dhe të besueshme.
Ai shtoi se negociatat me Ukrainën ishin të komplikuara nga fakti se presidenti i saj, Volodymyr Zelensky, kishte nënshkruar një dekret që e pengonte atë të zhvillonte bisedime me Putinin, shkruan Guardian.
Në ditët e para që nga inaugurimi i tij, Trump ka bërë vazhdimisht thirrje për një zgjidhje të shpejtë të luftës në Ukrainë, që tani po i afrohet vitit të tretë të saj dhe ka shprehur gatishmërinë e tij për të takuar Putinin menjëherë.
