Kilië Mbape ka qenë motori i Realit të Madridit në fitoren 4-1 kundër Las Palmasit. Francezi ka zhvilluar ndeshjen e tij më të mirë si lojtar i Realit e kurorëzuar mes të tjerave edhe me dy gola. Ai ka folur pas ndeshjes duke komentuar suksesin e ekipit të tij dhe paraqitjen personale.
NDESHJA – “Ishte një ndeshje e rëndësishme për ne, ne e dinim rezultatin e Atletikos dhe Barcelonës ndaj donim të fitonim dhe fituam. Të pësosh një gol herët është e vështirë, por reagimi i ekipit ishte i shkëlqyer. Ne luajtëm përpara, kërkuam hapësira, shënuam shumë gola, mendoj se të gjithë tifozët madrilenë e shijuan lojën sepse tashmë jemi kryesues”.
REAGIMI I SKUADRËS – “Pasi humbëm Superkupën, ishte shumë e rëndësishme të reagonim, sepse ishte një finale e humbur. Në Kupë luajtëm mirë, por gabuam dhe shkuam në shtesë, por kishim personalitet për të fituar. Tani fituam një ndeshje e rëndësishme dhe Liga varet nga vetë ne”.
“BERNABÉU” – “Është një ëndërr, jam shumë i lumtur, sepse përshtatem me ekipin, luaj ashtu siç dua të luaj, me personalitet”.
FESTA NË KUPË – “Në Madrid të gjithë lojtarët janë lider, më të mirët në botë janë këtu. Duhet të jemi të bashkuar, sepse kemi shumë gjëra për të fituar. Sigurisht që njerëzit nuk ishin të lumtur, por në fund ne kemi të jemi të bashkuar”.
ALABA – “Është e pabesueshme, e njihja si kundërshtar, ishte shumë e vështirë të luaja kundër tij, e di që ishte e vështirë për të, të ishte larg, por ne jemi shumë të lumtur për të, ai është një djalë i jashtëzakonshëm dhe ka cilësi. .. do të jetë një përforcim i rëndësishëm për ne”.
