Kryeministri Edi Rama në “Sy me Sy” ndërsa iu përgjigj komenteve të ndjekësve të tij në Facebook, u ndal te reforma në drejtësi. Rama theksoi se ka krijuar vetëbesimin e pavarësisë dhe se askush nuk mund të thotë që është i kapur. Ai shtoi se SPAK ka marrë të gjithë mbështetjen e tij dhe të Partisë Socialiste.
“Për Reformën në drejtësi marr përsipër autorësinë. Nëse SPAK do ta kishte sjellë, Amerika, tani që Amerika është tërhequr nga kjo punë, do ta kishte marrë me vete… Por Jo. SPAK është këtu. Është e vetmja garanci për shkuarjen përpara të SPAK është PS. Rrotullojeni nga të doni, reformën në drejtësi e kam bërë unë me PS”, tha ai.
